Муаммо, мурожаат ва ечим: Чегара маҳалласида аҳоли муаммолари ўрганилди

Муаммо, мурожаат ва ечим: Чегара маҳалласида аҳоли муаммолари ўрганилди

Бугун Термиз шаҳар ҳокими Ўктам Тўраев аҳоли муаммоларини ўрганиш, мурожаатларини жойида тинглаш, кўтарилган масалаларни ҳал этиш мақсадида “Чегара” маҳалласи фуқаролари учун ҳудуддаги 21-сонли мактаб биносида сайёр қабул ўтказди.

Унда сектор раҳбарлари, ҳоким ўринбосарлари, алоқадор корхона ва ташкилотлар раҳбарлари иштирок этишди. Мурожаатлар асосан имтиёзли даволаниш, уй-жой таъмири, моддий ёрдам, уй-жой учун субсидия олиш, архитектура ва коммунал соҳага оид масалаларда бўлди.

Сайёр қабул давомида 25 нафар фуқаронинг мурожаати ўрганилди. Мурожаатларининг бир қанчасига шу ернинг ўзида ижобий ечим топилди. Ҳар бир мурожаат масъуллар иштирокида тингланиб ҳал этиш чораси кўрилмоқда, айрим мурожаатларга ҳуқуқий тушунтириш берилаётган бўлса, ижроси қўшимча ўрганиш ва бошқа масалалар билан боғлиқ мурожаатлар тегишлилиги бўйича мутасаддиларга йўналтирилиб, ижроси назоратга олинди.