УЧ АВЛОД ВАКИЛЛАРИНИ БИРЛАШТИРГАН ТАДБИР

УЧ АВЛОД ВАКИЛЛАРИНИ БИРЛАШТИРГАН ТАДБИР

Бугун 3-май куни Термиз шаҳар 4-умумтаълим мактабида "Уч авлод учрашуви" тадбири бўлиб ўтди. Тадбирда шаҳар Нуронийлар жамғармаси Термиз шаҳар бўлими раиси Т.Бердиев, маҳалладаги фаол нуронийлар, жамоатчилик кенгаши ва "Кексалар маслаҳати" гуруҳи аъзолари, ҳамда ўқувчи ёшлар қатнашди.

Эл-юрт равнақи йўлида камарбаста бўлиш лозимлиги уч авлодга мансуб юртдошларимиз ўртасида кечган самимий суҳбатлар бош мавзусига айланди. Ёши улуғ отахон ва онахонларимиз ҳаёти ва меҳнат фаолияти давомида тўплаган бой тажрибаси, ёшлик давридаги ўзига хос қийинчиликлар, меҳнат палласидаги машаққатлар, ниҳоят нуронийлик пайтида кўрсатилаётган ҳурмат-эҳтиром ҳақида ўз дил сўзларини, самимий фикрларини билдирди.

Шунингдек, мактабнинг ёш ижодкорлари томонидан тайёрланган бадиий чиқишлар барчага кўтаринки кайфият улашди.