Термиз шаҳрида йил якунига қадар 10 дан ортиқ янги меҳмонхона фаолиятини бошлайди

Термиз шаҳрида йил якунига қадар 10 дан ортиқ янги меҳмонхона фаолиятини бошлайди

Бугун вилоят ҳокими Улуғбек Қосимов ҳафталик иш режасига мувофиқ ҳудудларда туризм, маданият, маданий мерос ва оммавий коммуникациялар соҳаларида олиб борилаётган ишлар билан танишмоқда, масъулларга соҳа юзасидан вазифаларни белгилаб бермоқда.

Иш куни аввалида вилоят раҳбари Термиз шаҳрида “Термиз Бойсун Қурилиш” корхонаси томонидан қурилган “Tarmita plaza” меҳмонхонаси билан танишди. Шу ернинг ўзида Термиз шаҳрида меҳмонхона қураётган тадбиркорлар билан мулоқот ўтказилди. Улар билан соҳадаги мавжуд муаммолар ҳамда уларнинг ечими муҳокама қилинди. Йил якунига қадар шаҳарнинг ўзида 10 дан ортиқ меҳмонхона фойдаланишга топширилиши маълум қилинди.

Шундан сўнг, Термиз шаҳрида янги меҳмонхоналар қуриш, Термиз туманида дам олиш маскани ташкил этиш бўйича лойиҳа-тақдимотлари билан ҳам танишилиб, лойиҳаларни такомиллаштириш, сифатли амалга ошириш юзасидан тавсиялар берилди.