Термиз шаҳрида Касаба уюшмалари ходимлари шарафланди

Термиз шаҳрида Касаба уюшмалари ходимлари шарафланди

Мамлакатимизда ҳар йили 11 ноябрь – Ўзбекистон касаба уюшмалари куни байрами нишонлаб келинади. Унга мувофиқ жойларда маънавий-маърифий, саховат тадбирлари ўтказилади.

Бугун Термиз шаҳридаги “Нигина” тантаналар саройида ташкил этилган тадбир ҳам ана шу санага бағишланди. Унда шаҳар ҳокими Ў. Тўраев, ҳамкор ташкилотлар, уюшма ходимлари, кенг жамоатчилик вакиллари иштирок этди.

Тадбирда шаҳар ҳокими барчани байрам билан табриклаб, бугун касаба уюшмалари бундан беш йил олдинги меҳнаткашлар ташкилотидан умумхалқ ташкилотига айланиб бораётгани ҳақида атрофлича сўз юритди. Янги Ўзбекистонни барпо этишда ташаббускорлик намуналарини кўрсатаётгани қайд этилди.

Табрикдан сўнг бир гуруҳ соҳа ходимлари ва фаол ишчи-хизматчилар шаҳар ҳокимининг фахрий ёрлиқлари ва совғалари билан тақдирландилар. Санъат усталарининг қизиқарли байрам дастури барчага бир олам қувонч бағишлади.