Термиз шаҳридаги “Боғзор” маҳалласида "Workout" майдончаси фойдаланишга топширилди

Термиз шаҳридаги “Боғзор” маҳалласида "Workout" майдончаси фойдаланишга топширилди

Street workout майдонининг очилиш маросимида Термиз шаҳар ҳокими Ўктам Тўраев, вилоят спортни ривожлантириш бош бошқармаси бошлиғи Абдумуталиб Арабовлар ва маҳалла нуронийлари, ёшлар, кенг жамоатчилик вакиллари ҳамда ОАВ вакиллари иштирок этишди.

Маросимда шаҳар ҳокими маҳалла ёшларига ушбу яратиб берилаётган шароитлардан унумли фойдаланишни ҳамда яхши шуғулланиб, республика ва жаҳон чемпионатларида ғолиблар сафидан жой эгаллашларини тилади.

Йиғилганларга кўча спорти бўйича республика миқёсида Термиз шаҳар шаънини муносиб ҳимоя қилиб, фахрли 2-ўринни эгаллаган маҳалла ёшлари жамоаси ўз чиқишларини намойиш этиб, барчани ҳайратда қолдирди.

Эслатиб ўтамиз, “Беш ташаббус олимпиадаси” доирасида спортнинг “Workaut” тури бўйича Республика босқичида “Боғзор” маҳалласининг ёшлар жамоаси фаҳрли 2-ўринни эгаллаб, 28 млн пул мукофоти ва “Workaut” майдончаси Сертификатини қўлга киритишган эди.