1- июнь-"Халқаро болаларни ҳимоя қилиш куни"

1- июнь-"Халқаро болаларни ҳимоя қилиш куни"

Бугун, Термиз шаҳар маданият бўлими ижодий жамоасининг 1 июнь - "Халқаро болаларни ҳимоя қилиш куни" муносабати билан навбатдаги ташрифи Термиз шаҳар 41-сонли Давлат хусусий шерикчилик асосидаги оилавий нодавлат мактабгача таълим ташкилотида бўлди.
Ўзининг қизиқарли шоу концерт дастурлари билан Термиз шаҳар маданият бўлимининг таниқли эстарада хонандалари, шунингдек, маданият бўлими қошида ташкил этилган "Лола" рақс жамоаси, "Мўъжизалар олами" фокус ва иллюзия ҳаваскорлик жамоаси ҳамда "Фарухбек" дарбозлик цирк жамоаларининг навбатма-навбат чиқишлари барча болажонлару ота-оналарга хушкайфият улашди. Тадбир давомида Сурхондарё вилоят Миллий Гвардияси бошқармаси ходимлари ҳам иштирок этиб, болажонларни байрам муносабати билан табриклашди. Юзларида бир олам қувонч ва табассум ҳамроҳ бўлган болажонлар янграган қўшиқларда мароқли рақсларга тушиб, ҳар бир фокус ва иллюзия номерларини олқишлар билан кузатиб боришди ҳамда айиқ полвон чиқишларини мароқ билан томоша қилишди.