Расмий_муносабат

Расмий_муносабат
Ижтимоий тармоқ орқали “Термиз шаҳар Мангузар маҳалласида жойлашган “Дўстлик” стадиони бузилиб, қаровсиз ташлаб қўйилганидан” шикоят қилинган мурожат йўлланган.
Ушбу ҳолат юзасидан шаҳар ҳокимлиги қуйидагиларни маълум қилади. Муқаддам Термиз тумани ҳудудига кирган “Мангузар” маҳалласи айни пайтда шаҳар таркибига ўтказилган.
Ўзбекистон Республикаси Президентининг 2020-йил 4-ноябрдаги ПҚ-4881-сонли қарори ҳамда Ўзбекистон Республикаси Вазирлар Маҳкамасининг 2021 йил 8-сентабрдаги “Ўзбекистон Республикасининг бюджет тизими бюджетлари ҳисобидан 2022-йилда амалга оширилиши назарда тутилган қурилиш ва таъмирлаш объйектларининг лойиҳа смета хужжатларини ишлаб чиқиш бўйича ишларни ташкил етиш тўғрисида”ги 130-сонли мажлис баёнининг 26-банди ижросини таъминлаш мақсадида "Мангузар" маҳалласи ҳудудидаги стадион ўрнида, Кураш маҳорат спорт мактаби (176 ўринли ўқув биноси, 150 ўринли ётоқхона, 24х42 м. ўлчамдаги спорт зал, стадион ва ошхона) қурилиши белгиланган.
Бугунги кунда, Сурхондарё вилоят Туризм ва спорт бошқармаси томонидан “Кураш маҳорат спорт мактаби”нинг лойиҳа-смета хужжатлари амалга оширилаётганлигини маълум қиламиз.