Инсон қадри-улуғ!

Х.Алламуродовнинг иш фаолияти билан танишиш ҳамда тадбиркорликка қизиқувчи фуқароларда янги кўникмалар ҳосил қилиш мақсадида маҳалла фаоллари, ёшлар, тадбиркорлар, кенг жамоатчилик вакиллари билан ташкил этилган учрашув ёшларга чинакам мотивация бўлиши билан бирга, бир қатор ёшларнинг мавжуд муаммоларига ҳам ечим бўлди.

Биргина мисол: "Паттакесар" маҳалласи фуқароси Наргиза Ашурованинг уйи таъмирталаб эканлиги, шароит қилишлари учун имкониятлари йўқ эканлиги тўғрисида Ёшлар ишлари агентлиги Термиз шаҳар бўлими бошлиғи Ф.Халмуратов ва маҳалла ёшлар етакчиси тадбир давомида айтилган мурожаат бир оиланинг чексиз қувончига сабаб бўлди.

Учрашувдан якунида, Х.Алламуродов мутасадди ҳодимлар билан биргаликда Н.Ашурова хонадонига ташриф буюрди. Ҳолат ўрганилган ҳолда, Н.Ашурова ва оила аъзолари тадбиркор томонидан ҳақлари тўланган ҳолда ижара хонадонига кўчирилди ва фуқаронинг доимий яшаш уйи тўлиқ қайта қуриб, битказиб берилиши ваъда қилинди ҳамда ўша куннинг ўзидаёқ ишлар бошлаб юборилди.

"Инсон қадри — улуғ. Ҳар бир инсон эртага эмас, узоқ келажакда эмас, айнан бугун ўз ҳаётидан рози ва мамнун бўлиб яшаши керак"

Бугун, "Паттакесар" маҳалласида шинам, қулай шарт-шароитларга эга, янги қуриб битказилган уй-жой тадбиркор Х.Алламуродов, нуроний отахон-онахонлар, кенг жамоатчилик вакиллари иштирокида катта хурсандчиликлар билан эгасига топширилди.