ОЧИҚ МУЛОҚОТ

“Очиқ мулоқот”да дастлаб Термиз шаҳар ҳокимининг ўринбосари К.Ашуров томонидан ёшлар сиёсати соҳасида жорий йилда амалга оширилган ишлар ҳамда келгуси йил режалари тўғрисида ахборот берилди.

Очиқ ва самимий руҳда ўтказилган учрашув давомида ёшларнинг қизиқишлари, муаммо ва таклифлари тингланиб, уларнинг ечимлари бўйича аниқ қарорлар қабул қилинди ҳамда билдирилган фикр ва мулоҳазалар асосида муҳим вазифалар белгилаб олинди.

Тадбир давомида жорий йилда турли ютуқларга ва ижобий кўрсаткичларга эришган 8 нафар маҳалла ёшлар етакчилари, 40 нафарга яқин иқтидорли ва фаол ёшлар ташаккурнома ва эсдалик совғалари билан тақдирланди. Шунингдек, “Ёшлар дафтари”га киритилган ёшларнинг ўқиш контракт тўловлари учун 120,0 млн. сўмлик ваучер ҳамда субсидия асосида бир гуруҳ ёшларга асбоб-ускуна ва меҳнат қуроллари топширилди.

Тадбир сўнгида истеъдодли ёш санъаткорлар томонидан жонли ижро этилган куй-қўшиқлар барча иштирокчиларга бир олам завқ бағишлади.