Семинар-тренинг бўлиб ўтди.

Унда Мадина Нурман фотография санъат, ҳақиқий фотограф эса ижодкор эканлиги, шахс ёки воқеликни суратга олишда қайси жиҳатларига эътибор қаратиш кераклиги, ҳудуд ва раҳбар имижини оширишда фотонинг аҳамияти хусусида батафсил маълумот берди.

Мутахассис фотографнинг сифатли кадр танлай олиши, ноодатий, таъсирчан ва ишонарли суратларни аудиторияга тақдим этиши, эмоционал ҳолатлардаги кадрларни топа билиши, воқелик ҳақида етарлича, реал таассурот уйғотиш мақсадида суратга олиш жараёнида барча ракурс ва планларни мўлжаллаб олмоғи муҳим эканлигини қайд этди.

Тақдимот жараёнида сифатли ва ноодатий кадрлар, шунингдек, хато тарзда қўлланган расмлар таҳлил қилиниб, иштирокчиларга сифатли кадр олиш ва шахс имижини яратишда фотожамланма тайёрлаш борасида таклиф ва тавсиялар берилди.