СEССИЯ !

Сессияда Ўзбекистон Республикаси Олий Мажлис Қонунчилик палатасининг Спикери Исмоилов Нуриддинжон Мўйдинхонович, ҳудуддан сайланган Олий Мажлис Қонунчилик палатаси депутатлари ҳамда халқ депутатлари Термиз шаҳар Кенгаши депутатлари, сектор раҳбарлари, шаҳар ҳокимининг тармоқлар бўйича ўринбосарлари алоқадор корхона ва ташкилотлар, муассаса раҳбарлари иштирок этишди.

Сессия кун тартибида Аҳоли ва ижтимоий соҳа объектларини 2023-йилда “Яшил энергия“ ресурслари билан барқарор таъминлаш чора-тадбирлари тўғрисида ҳамда Термиз шаҳрида 2023–2024-йилларда куз-қиш мавсумига тайёргарлик кўриш бўйича амалга оширилаётган ишлар тўғрисидаги масалалар кўриб чиқилди.

Шунингдек, маърузачилар ва депутатлар томонидан, бугунги кунда дунё миқёсида энергия тежамкорлигига эришиш, қайта тикланувчи, муқобил энергия манбааларидан фойдаланишга алоҳида эътибор қаратилиб келинаётганлиги, юртимизда ҳам ушбу йўналишда тегишли давлат дастурлари асосида бир қатор тизимли ишлар олиб борилаётганлиги ҳамда сўнгги йилларда мамлакатимиз раҳбари бошчилигида ижтимоий ҳаётнинг барча соҳаларида инсонлар ҳаёти фаровонлиги ва турмуш даражасини яхшилашга қаратилган бир қатор ижтимоий, иқтисодий ва ҳуқуқий ислоҳотлар амалга оширилаётганлиги, 2023-2024-йилларда куз-қиш мавсумида аниқланган муаммоларни бартараф этиш ҳамда Термиз шаҳар аҳолиси ва ижтимоий соҳа объектларини узлуксиз ва барқарор электр энергияси билан таъминлаш юзасидан бажарилиши зарур бўлган чора-тадбирлар белгилаб олинди.

Сессияда кун тартибидаги масалалар юзасидан тегишли қарорлар қабул қилинди.