Фоторепортаж | Қирққиз қалъаси саройи

Фоторепортаж | Қирққиз қалъаси саройи

Қирққиз қалъаси IX-XV асрлар давомида бунёд этилган. Ҳозиргача вайрона ҳолида сақланган. Тадқиқотчилар томонидан ушбу ёдгорлик ўтмишда қандай вазифада фойдаланганлиги ҳақида турли фаразлар мавжуд. Шаҳар ташқарисидаги зодагон саройи, қизлар мадрасаси, хонақоҳ, карвонсарой ва ҳакозо.Ўрта асрларда Термиз шаҳрининг ташқарисида жойлашганлиги қалъа шаҳар ташқарисидаги қўрғон вазифасини ўтаганлигини кўрсатади. У дунё томонларига мослаб қатъий мужассимотда бунёд этилган.

Қалъанинг барча хоналари ва марказдаги саҳн ўзаро йўлаклар билан боғланган, марказий саҳн ҳовли ёки гумбазли зал бўлган деб тахмин қилинади.

Айвон ва йўлаклар орқали бино тўрт қисмга бўлинган. Оғзаки маълумотларга кўра, халқ достонларида зикр этилган душманлар ҳужумини қайтара олган қаҳрамон қиз, Гулойим ва унинг қирқ дугонаси айнан шу ерда яшаган. Шунингдек, XX асргача халқ томонидан Қирққиз қалъаси жойлашган ҳудудлар “Шаҳри Сомон” деб ҳам аталган.