Расмий муносабат

Расмий муносабат

Жорий йилнинг 15 июнь куни Facebook ижтимоий тармоғи орқали “Термиз шаҳридаги “Гулистон” маҳалласининг ҳудудидаги барча кўчалар тўлиқ асфальт қилингани, бироқ битта кўчада таъмирлаш ишлари якунига етказилмай қолганидан шикоят қилинган” мурожаат йўлланган. Термиз шаҳар ҳокимлиги ушбу ҳолат юзасидан қуйидагиларни маълум қилади.

Сурхондарё вилоятининг Термиз шаҳридаги “Мангузар” маҳалласига туташ бўлган “Гулистон” маҳалласининг ҳудудидаги барча кўчалар Ўзбекистон Республикаси Президентининг 02.04.2021 йилдаги “Обод қишлоқ” ва “Обод маҳалла” дастурларини амалга ошириш бўйича қўшимча чора-тадбирлар тўғрисида”ги ПҚ-5048-сонли қарорига асосан тўлиқ асфальт қилинган.

Шу боисдан ушбу ишларни узвий давом эттириш мақсадида:

Ўзбекистон Республикаси Президентининг 2022 йил 18 мартдаги "Обод қишлоқ” ва “Обод маҳалла" дастурларини амалга ошириш чора-тадбирларини амалга ошириш дастурлари тўғрисида"ги ПҚ-172-сонли қарорига асосан 2023 йилда Термиз шаҳрининг “Мангузар” маҳалласи худудидаги жами 21,9 км (шундан, таъмир-талаб кўчалари-13,5 км) таъмирланадиган йўл инфратузилма объектлари дастурига киритилган.

2023 йилда “Обод маҳалла” дастури доирасида “Мангузар” маҳаласининг 13,5 км ички кўчалари, шу жумладан мурожаатда келтирилган Чори Гумбаз (500 метр) кўчаси ҳам дастур асосида асфальтбетон ётқизиш ишлари амалга оширилишини маълум қиламиз.