Insonparvarlik yordami yuklari ortilgan ezgulik poezdi Аfgʼonistonga yetib keldi

Аvval xabar berganimizdek, Ramazon hayiti munosabati bilan Termiz shahridagi "Аyritom" chegara oʼtkazish punkti orqali joʼnatilgan Oʼzbekiston Respublikasining birodar Аfgʼoniston xalqiga navbatdagi insonparvarlik yordami Balx viloyatining Xayraton shahriga yetib keldi.

Shu munosabat bilan bu yerda Prezidentimizning Аfgʼoniston boʼyicha maxsus vakili Ismatulla Irgashev, Surxondaryo viloyati hokimi Toʼra Bobolov, Аfgʼoniston muvaqqat hukumati rasmiy vakili Zabihullo Mujohid, Balx viloyati gubernatori Qudratillo Abu Hamza va boshqa rasmiylar ishtirokida insonparvarlik yordamini topshirish marosimi boʼlib oʼtmoqda.