Surxondaryoda “Yangi Oʼzbekiston yoshlari, birlashaylik!” shiori ostida yoshlar forumiga start berildi

“Yangi Oʼzbekiston yoshlari, birlashaylik!” shiori ostida oʼtkazilayotgan “Islohotchi yoshlar” forumi mamlakatimiz yoshlarini Termiz shahridagi “Аmudaryo” bolalar sogʼlomlashtirish oromgohida birlashtirdi.

9-10 aprelь kunlari boʼlib oʼtishi rejalashtirilgan forum doirasida turli koʼrik-tanlovlar, koʼngilochar dasturlar, intellektual salohiyatni oshiruvchi loyihalar, sport oʼyinlarini oʼtkazish maqsad qilingan.

“Islohotchi yoshlar” forumining tantanali ochilish marosimi bugun, 9 aprelь kuni soat 13:00da Termiz shahridagi Yoshlar markazida boʼlib oʼtadi. Soat 20:00dan “Аmudaryo” bolalar oromgohida sport-sogʼlomlashtirish va madaniy hordiq chiqarish tadbirlari boshlanadi.