"O'qituvchi va murabbiylar" kuni

Termiz shahridagi “Best” restoranida
1-oktabr "Oʻqituvchi va murabbiylar kuni"ga bagʻishlangan bayram tadbiri boʻlib oʻtdi.

Unda shahrimizdagi taʼlim muassasalari mutasaddilari, eng ilgʻor va faol oʻqituvchilar, tizimda samarali mehnat qilayotgan faxriy ustozlar ishtirok etdi.

Karnay-surnay sadolari ostida, ishtirokchilar chehralarida chinakam bayramona kayfiyat bilan fayzli boshlangan tantanali marosimda shahar hokimi Oʻktam Toʻrayev o'qituvchi va murabbiylarni oliyjanob va mas'ulyatli faoliyatlariga kuch-g'ayrat, yutuq va omadlar, xonadonlariga esa baxtu saodat, fayzu baraka tilagan holda umumxalq bayrami bilan samimiy tabrikladi.

Tadbirda bir guruh fidoyi ustoz va murabbiylarga shahar hokimining faxriy yorliq va esdalik sovgʻalari topshirildi.

Tashkil etilgan qiziqarli konsert dasturida sahnalashtirilgan chiqishlar barchaga a'lo kayfiyat bag'ishlab, elimiz suygan sanʼatkorlar tomonidan kuylangan qoʻshiqlar barchani raqsga chorladi.