Termiz shahrida muborak Ramazonning iftorlik tadbirlarini o‘tkazish davom etmoqda

Davlatimiz rahbari joriy yilning 13 mart kuni viloyatimizga tashrifi chog‘ida o‘ttiz kunlik Ramazon oyida eng og‘ir mahallada kam taʼminlanganlarni taklif qilib, iftorlik o‘tkazish, ko‘ngli o‘ksik, mo‘min-musulmonlarning og‘irini yengil qilish tashabbusini bildirib, bu borada diniy soha ulamolari va mutasaddilariga tavsiyalarini bergan edi.

Xayru-barokat Ramazon oyida bugun 2 aprel kuni shahardagi 4 ta sektor hududida “Guliston", “Saxovat", “Majnuntol" va “Bo‘ston" mahallalari fuqarolari ishtirokida navbatdagi iftorlik tashkil etildi.

Unda sektor masʼullari, imom xatiblar, mahalla fuqarolar yig‘ini raisi, mahalladagi hokim yordamchisi, yoshlar yetakchisi, faol xotin-qizlar hamda 600 nafar mahalla fuqarolari ishtirok etishdi.

Ushbu xayrli ishlar shahardagi barcha mahallalarda davom etmoqda.