Surxondaryoda “Oʼzbekiston Respublikasi Konstitutsiyasiga oʼzgartish va qoʼshimchalar kiritish toʼgʼrisida”gi qonun loyihasi muxokamasiga bagʼishlangan tadbirlar qizgʼin davom etmoqda.

Galdagi muhokama Termiz shahridagi "Sehrli qasr" nomli DXH asosidagi MTT faollari ishtirokida boʼlib oʼtdi. Tadbirda OzLiDeP Siyosiy Kengash Ijroiya qoʼmitasi raisi А.Xaitov, OzLiDeP Surxondaryo viloyati Kengashi raisi А.Roʼzievlar tomonidan Konstitutsiyaga kiritilayotgan oʼzgarishlarning tub mohiyatida yotadigan inson qadri, uning barcha huquq va erkinliklarini taʼminlash, uning shaʼni, qadr-qimmati va qonuniy manfaatlarini himoya qilish, kam taʼminlangan oilalarni ijtimoiy ximoya qilish hamda taʼlim sohasida olib borilayotgan islohotlarning Konstitutsiyada aks ettirilayotgani yuzasidan maʼlumot va tushunchalar berildi. Savol-javoblar asosida boʼlib oʼtgan muloqotda mahalla faollari Konstitutsiyaviy qonun loyihasi yuzasidan fikr-mulohazalarini hamda qoʼllab quvvatlashlarini bildirishdi.