Bugun 2 iyul – “Oʼzbekiston Respublikasi Davlat gerbi toʼgʼrisida”gi Qonun qabul qilinganiga 30 yil toʼldi.
Bugun 2 iyul – “Oʼzbekiston Respublikasi Davlat gerbi toʼgʼrisida”gi Qonun qabul qilinganiga 30 yil toʼldi.
Shu munosabat bilan Oʼzbekiston Respublikasi Davlat Gerbi qabul qilinganligining 30-yilligiga bagʼishlab shahrimizdagi Yoshlar markazi oldidan Sanʼat saroyi hududigacha boʼlgan “Barkamol avlod”, “Islom Karimov”, “Hakim at Termiziy” va “Ibn Sino” nomidagi markaziy koʼchalar boʼylab "Аvto karvoni" tashkil etildi.
Shundan soʼng Termiz shahridagi muhtasham Sanʼat saroyida “Olamni mahliyo aylagan diyor!” shiori ostida viloyatning asosiy bayram tadbiri oʼtkazildi.
Bayram tadbirida davlat va jamoat tashkilotlari, nuroniylar, madaniyat va sanʼat sohasi vakillari, yoshlar, keng jamoatchilik vakillari, harbiy xizmatchilar, huquq tartibot idoralari hamda ommaviy axborot vositalari xodimlari ishtirok etishdi.
Tantanali tadbirda sanʼat ustalari va vohaning taniqli xonandalari oʼzlarining shoʼh kuy-qoʼshiqlari hamda vatanni madh etuvchi taronalari bilan bayram qatnashchilariga koʼtarinki kayfiyat ulashdi.
