Термиз шаҳрида 8 соатдан ортиқ давом этган сайёр қабулда 400 нафарга яқин фуқароларнинг муаммолари тингланди

Термиз шаҳрида 8 соатдан ортиқ давом этган сайёр қабулда 400 нафарга яқин фуқароларнинг муаммолари тингланди

Бугун, 14 май куни Термиз шаҳридаги Санъат саройи ҳудудида Сурхондарё вилояти ҳокими Тўра Боболовнинг сайёр қабули бўлиб ўтди.

Қабулда Халқ депутатлари вилоят Кенгаши депутатлари, вилоят секторлар раҳбарлари, вилоят ҳокимининг ўринбосарлари, Термиз шаҳри ҳокими, бошқарма ва ташкилотлар, Халқ қабулхонаси ҳамда шаҳардаги корхона ва ташкилотлар раҳбарлари иштирок этди.

Сайёр қабул давомида 367 нафар фуқаронинг 448 та мурожаати ўрганилди. Мурожаатларнинг 83 таси масъуллар томонидан жойида ҳал этилган бўлса, 37 тасига ҳуқуқий тушунтириш берилди. Вақт талаб этиладиган 328 та мурожаатнинг ижросини таъминлаш учун муддат белгиланиб, масъуллар бириктирилди.