Термиз шаҳрида клиник ва параклиник мажмуасининг очилиш маросими ўтказилди

Термиз шаҳрида клиник ва параклиник мажмуасининг очилиш маросими ўтказилди
Термиз шаҳар тиббиёт бирлашмасига қарашли марказий шифохонанинг клиник ва параклиник мажмуаси воҳамиз аҳолисига сифатли тиббий хизмат кўрсатиш учун 2021 йил 21 апрел куни ўз иш фаолиятини бошлади. Тантанали очилиш маросимида Термиз шаҳар ҳокими ўринбосари Камол Ашуров, шаҳар нуронийлари номидан Шокир ҳожи Ходжаев, Термиз шаҳар маданият бўлими ижодий жамоаси вакиллари ҳамда бошқа ҳамкор ташкилотлар иштирок этишди.
Тадбир давомида Термиз шаҳар маданият бўлими ижодий жамоасининг кўнгилларни хушловчи тароналари янграб, тиббиёт соҳаси ходимларининг рақсларига уланиб кетди. Тадбир якунида ташриф буюрган меҳмонлар иштирокида замонавий тиббий ускуналар билан жиҳозланган мажмуа билан танишиш учун рамзий ленталарни қирқиш маросими ўтказилди.