Бугун халқаро улоқ-кўпкари мусобақасининг ярим финал ҳамда финал баҳслари бўлиб ўтади

Бугун халқаро улоқ-кўпкари мусобақасининг ярим финал ҳамда финал баҳслари бўлиб ўтади

Сурхондарё вилоятида илк бор ўтказилаётган халқаро улоқ-кўпкари мусобақасининг биринчи кунида Миллий гвардия ҳузуридаги Қорабайир отлари маҳорат мактабида хорижлик ва мамлакатимиз чавандозлари жамоаларининг майдонга тушиши қуръа ташлаш йўли билан очиқ, ошкора аниқлаб олинди.

Унга кўра, мусобақанинг саралаш босқичини «Ўзбекистон-1» ва Ўзбекистон Миллий гвардияси ҳузуридаги Қорабайир отлари маҳорат мактаби жамоалари бошлаб берди.

Беллашув олдидан жамоаларга мусобақанинг тартиб-таомиллари тушунтирилди. Иштирокчилар ҳамда мухлисларга ҳакамлар ва жамоалар аъзолари таништирилди.

Бугун, соат 11:00 да халқаро турнирнинг тантанали очилиш маросими бошланади. Соат 12:00 дан бошлаб чавандозлар ярим финал ҳамда финал баҳсларида иштирок этади ва ғолиб жамоалар аниқланади. Мусобақа якунида ғолиб ва совриндарларни тақдирлаш маросими ўтказилади.