“Чегара” маҳалласида “ҲОКИМ ВА ЁШЛАР" учрашуви ўтказилди

“Чегара” маҳалласида “ҲОКИМ ВА ЁШЛАР" учрашуви ўтказилди
Бугун, "Чегара" маҳалла фуқаролар йиғинида Термиз шаҳар ҳокими Исроил Худойбердиев раҳбарлигида, Термиз шаҳар ҳалқ қабулхонаси мудири ва сектор раҳбарлари томонидан "Ҳоким ва ёшлар" учрашуви бўлиб ўтди.
Учрашувда 40 нафардан ортиқ ёшлар иштирок этиб, улар томонидан муаммо ва таклифлар билдирилди.
Мазкур учрашувда тегишли тартиб асосида талабаларнинг олий ўқув юртига тахсил олишлари учун бир йиллик шартнома пулининг 50 фоизини тўлаб берилиши белгиланди.
Ёшлар дафтарида рўйҳатда турувчи тадбиркорлик қилиш истагида бўлган ёшларга тикув машинка олиб бериш ва ижтимоий ҳимояга муҳтож ёш оилаларга бир марталик моддий ёрдам бериладиган бўлди. Иш сўраб мурожаат қилган ёшларга Давлат хизматини ривожлантириш агентлиги орқали ўрнатилган тартиб асосида хужжатларини топшириш бўйича тушунтиришлар берилди. Қолган мурожаатларни ижобий ҳал этиш учун чора-тадбирлар белгиланиб, тегишли масъулларга йўналтирилди ва ижроси назоратга олинди.