Уч авлод журналистлари жамланди

Уч авлод журналистлари жамланди
Сурхондарё вилоятида ўзига хос журналистика тажрибаси шаклланган бўлиб, Теша Сайдалаев, Менгзиё Сафаров, Раҳматулла Абдурахмонов, Гелдимурод Саидмаликов, Махмуд Абдулфайзов, Жамила Эргашева, Соатмурод Жўрақулов, Даврон Ғуломов каби устунлари ёш авлодга ўрнак бўлиб келмоқда. Уларнинг фаолияти билан ёшларни таништириш мақсадида Термиз шаҳридаги Матбуот уйида уч авлод учрашуви ташкил қилинди. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги вилоят бошқармаси ва Ўзбекистон Журналистлари ижодий уюшмаси вилоят бўлими ҳамкорлигида ташкил қилган тадбирга бир гурух ижодкорлар иштирок этди. Унда уюшма аъзолари бўлган Тўра Қобилов, Тожигул Давронова, Абдулла Холмирзаев, Аннақул Шаймардонов ва Ёқуб Норбоев фаолияти ҳақида ёш журналистларга сўзлаб берди ва мархум устозларни хотирлашди. Кекса журналистларимизнинг шогирдлари бўлган Чори Жумақулов, М.Абдураҳмонов, Илхом Рахматов фикрларини ҳам айтиб ўтди.