Уч авлод учрашуви

Уч авлод учрашуви

Термиз шаҳар 5-сонли умумий ўрта таълим мактабида навбатдаги “Уч авлод учрашуви” бўлиб ўтди. Тадбирда шаҳар Нуронийлар жамғармаси Термиз шаҳар бўлими раиси Т.Бердиев, маҳалладаги фаол нуронийлар, шаҳар Маънавият ва маърифат бўлинмаси, жамоатчилик кенгаши ва “Кексалар маслаҳати” гуруҳи аъзолари, ҳамда ўқувчи ёшлар қатнашди.

Эл-юрт равнақи йўлида камарбаста бўлиш лозимлиги уч авлодга мансуб юртдошларимиз ўртасида кечган самимий суҳбатлар бош мавзусига айланди. Ёши улуғ отахон ва онахонларимиз ҳаёти ва меҳнат фаолияти давомида тўплаган бой тажрибаси, ёшлик давридаги ўзига хос қийинчиликлар, меҳнат палласидаги машаққатлар, Ватанпарварлик руҳида тарбияланишига қаратилган қимматли маслаҳат ва тавсияларини беришди.

Шунингдек, мактабнинг ёш ижодкорлари томонидан тайёрланган бадиий чиқишлар барчага кўтаринки кайфият улашди.