Термиз шаҳрида инфратузилма янада яхшиланади

Термиз шаҳрида инфратузилма янада яхшиланади

Вилоят раҳбари Термиз шаҳрининг “Юлдуз”, “Тупроққўрғон” ва “Тинчлик” маҳаллаларида бўлиб, ичимлик суви таъминотини яхшилаш, оқова сувлар тармоғини ташкил этиш, кўп қаватли уйларни таъмирлаш, ҳудудни ободонлаштириш ишларини кўздан кечирди.

Шаҳар бўйлаб аввалги ўрганишлар давомида берилган топшириқлар ижроси билан ҳам танишилиб, айрим масалалар ҳозирга қадар ҳал этилмаганлиги танқид қилинди.

Ушбу маҳаллаларда инфратузилмани яхшилаш, йўлларни таъмирлаш, ичимлик суви ва оқова сув тармоғини ташкил этиш ишларини якунлаш, кўп қаватли уйларнинг фасад қисмини бўяш ҳамда замонавий кўринишга келтириш бўйича мутасаддиларга топшириқ ва кўрсатмалар берилди.