Округ комиссияси матбуот марказида брифинг ўтказилди

Округ комиссияси матбуот марказида брифинг ўтказилди

Бугун Ўзбекистон Республикаси Референдумини ўтказувчи 9-Сурхондарё округ комиссияси матбуот марказида вилоятдаги оммавий ахборот воситалари ходимлари учун брифинг ўтказилди.

Унда 9-Сурхондарё округ комиссияси раиси ўринбосари Расул Тўраев иштирокчиларга мамлакатимиз ҳаётидаги муҳим сиёсий жараёнга кўрилаётган тайёргарлик ишлари ҳақида атрофлича маълумот берди.

– Округ ҳудудидаги референдум ўтказувчи 860 та участка аъзолигига 9 минг 602 нафар обрў-эътиборга эга, референдум тўғрисидаги қонунчиликдан хабардор фаол фуқаро жалб этилмоқда, – деди Р.Тўраев. – Уларнинг 7 минг 255 нафари илгари сайловларда иштирок этиб, етарли тажриба тўплаган.

Брифингда референдум ўтказувчи комиссиялар таркиби, улар учун ташкил этилаётган ўқув семинарлари ва участка комиссиялари аъзоларининг айни кунларда олиб бораётган ишлари хусусида ҳам атофлича ахборот берилди.