Термиз шаҳар ҳокими профилактика инспекторлари билан учрашув ўтказди

Термиз шаҳар ҳокими профилактика инспекторлари билан учрашув ўтказди

Термиз шаҳар ҳокимлигида ўтказилган учрашувда шаҳар ҳокими Ўктам Тўраев профилактика инспекторлари билан ҳудудлардаги мавжуд муаммо ва камчиликларни, шунингдек жиноятчиликни олдини олиш ишларини муҳокама қилди.

Ўз ўрнида, маҳаллаларда жиноятчиликни жиловлашда “Маҳалладаги бешлик” яъни, профилактика инспектори, раис, ёшлар етакчиси, хотин-қизлар фаоли ва ҳоким ёрдамчиси ҳамкорлигини ошириш масалаларига алоҳида аҳамият қаратилди.

Учрашув якунида маҳаллаларда профилактика инспекторлари олдида турган муаммоларнинг ечими бўйича мулоқот қилиниб, уларни бартараф этиш бўйича тегишли чора-тадбирлар белгилаб олинди.