"Дунё ўзбеклари" нашри бош муҳаррири Термиз шаҳрида

"Дунё ўзбеклари" нашри бош муҳаррири Термиз шаҳрида
Хабарингиз бор, Канадада яшовчи таниқли ўзбек журналисти, "Дунё ўзбеклари" нашри бош муҳаррири Исмат Хушев Ўзбекистон бўйлаб ижодий сафарларда бўлиб, сўнгги йилларда бу ерда амалга оширилаётган улкан иқтисодий-ижтимоий ислоҳотларни дунёга кўрсатиб бормоқда.
Кеча, 3 август куни Исмат Хушев ижтимоий тармоқларда катта аудиторияга эга саҳифалари орқали тўғридан-тўғри эфирлар уюштириб, Сурхондарё вилояти Термиз шаҳридаги қатор ижтимоий-иқтисодий соҳа объектлари жумладан, “Zif textil” корхонаси “Indenim” гипермаркети ва “Iseberg” оилавий кўнгилочар маркази (муз саройи) фаолияти ҳақида дунё жамоатчилигига ҳикоя қилди. Таниқли журналистга вилоят ҳокимининг ўринбосари Жўрабек Тўраев, вилоят ҳокимининг матбуот котиби Захриддин Тўраев ва Термиз шаҳар ҳокими Исроил Худойбердиевлар ҳамроҳлик қилишди.