“САХОВАТ” МАҲАЛЛАСИДА УЧ АВЛОД ВАКИЛЛАРИ БИРЛАШДИ

“САХОВАТ” МАҲАЛЛАСИДА УЧ АВЛОД ВАКИЛЛАРИ БИРЛАШДИ

Бугун шаҳримиздаги “Азизбек” тантаналар саройида навбатдаги “Уч авлод учрашуви” тадбири бўлиб ўтди. Унда, меҳнат фахрийлари, турли соҳаларда фидокорона меҳнат қилиб, эл-юрт ҳурматига сазовор бўлган нуронийлар, диний идора вакиллари, олий таълим муассасалари профессор-ўқитувчилари, давлат ва жамоат ташкилотлари ва фаол ёшлар иштирок этишди.
Тадбирда сўз олганлар Президентимиз Шавкат Мирзиёев бошчилигида сўнгги йилларда ислоҳотлар шиддат билан авж олгани, иқтисодиётни эркинлаштиришда салмоқли натижаларга эришилгани, Ўзбекистон дунёга қайта бағрини очганлиги, қўшниларимиз, ривожланган давлатлар билан яқин дўст бўлганлигимиз, очиқлик сиёсатига дадил қадам ташланганлиги алоҳида таъкидланди.
Шунингдек, энг муҳими, халқимиз фаровон яшаши учун ҳудудлар инфратузилмасини яхшилашга алоҳида эътибор қаратилаётганлиги ва амалга оширилаётган бунёдкорлик ишлари натижасида, кейинги йилларда Термиз шаҳри янгича қиёфа касб этгани борасида фикрлар билдирилди.
амимий мулоқотда тинч ва хотиржам ҳаётимиз, фаровон кунларимизга шукроналик тилга олинди. Бир пиёла чой устида давом этган тадбирда санъаткорларнинг қўшиқлари барчага завқу-шавқ улашди.
Уч авлод вакилларини бирлаштирган кўтаринки руҳда бўлиб ўтган учрашувда Термиз шаҳар ҳокими Ўктам Тўраев сўзга чиқди.