Термиз шаҳридан бир гуруҳ турли соҳа вакиллари "Ўзбекистон Конституциясининг 30 йиллиги" эсдалик нишонлари билан тақдирланишди.

Термиз шаҳридан бир гуруҳ турли соҳа вакиллари "Ўзбекистон Конституциясининг 30 йиллиги" эсдалик нишонлари билан тақдирланишди

Жорий йилнинг 8 декабр санасида тинч ва фаровон ҳаётимизнинг муҳим кафолати ҳамда мустаҳкам ҳуқуқий пойдевори бўлган Бош қомусимиз – Ўзбекистон Республикаси Конституцияси қабул қилинганлигига ўттиз йил тўлади.

Ушбу сана муносабати билан бугун, Термиз шаҳар ҳокимлиги йиғилишлар залида Ўзбекистон Республикаси Президентининг 2022 йил 8 ноябрдаги фармонига биноан таъсис этилган «Ўзбекистон Конституциясининг 30 йиллиги» эсдалик нишони билан бир гуруҳ турли соҳаларда фаолият олиб бораётган ҳамшаҳарларимиз тақдирландилар.

Мамлакат мустақиллигини мустаҳкамлаш, унинг иқтисодий, сиёсий, ижтимоий, илмий салоҳиятини юксалтириш, инсон ҳуқуқлари ва эркинликлари, қадр-қиммати улуғланадиган адолатли фуқаролик жамиятини барпо этиш борасида муносиб ҳисса қўшиб келаётган барча соҳа вакиллари ва меҳнат фахрийларига эсдалик нишони вилоят ҳокими ўринбосари Зулхумор Хидирова ва Термиз шаҳар ҳокими Ўктам Тўраевлар томонидан топширилди.