Сурхондарё: давлат бошқарув органлари холис ахборот учун очиқми?

Сурхондарё: давлат бошқарув органлари холис ахборот учун очиқми?

Термиз шаҳридаги Матбуот уйида давлат бошқарув идоралари ахборот хизматлари раҳбарлари учун «Жамиятда очиқликни таъминлашда ахборот хизматларининг ўрни» мавзуига бағишланган ўқув-семинар ташкил этилди.

Семинарда ахборот хизматлари ходимларининг ютуқлари ва соҳада йўл қўйилаётган камчиликлар чуқур таҳлил қилингани аҳамиятли бўлди,– дейди Қумқўрғон тумани ҳокимлигининг ахборот хизмати раҳбари Нигора Жумаева. –Тезкор ва аниқ далилларга асосланган холис ахборотга талаб ортиб бораётган ҳозирги пайтда бу фаолиятимизни янада такомиллаштиришда муҳим ўрин тутади. Кундалик ишимизни самарали ташкил этишга кўмаклашади.