Термиз шаҳрида саломатлигимиз посбонлари тақдирландилар

Термиз шаҳрида саломатлигимиз посбонлари тақдирландилар

Жонажон Ватанимиз дунё ҳамжамиятида ўз обрў-эътиборига эга бўлиб, қалбимизга фаровон ҳаёт завқи олам-олам қувонч бахш этаётган шу қутлуғ кунларда, барчамиз юртимизнинг яна бир улуғ айёми – “Тиббиёт ходимлари куни”ни кенг нишонламоқдамиз. Бугун, Термиз шаҳрида ҳам соҳа ходимлари байрами тантанали равишда кўтаринки руҳда нишонланди. Тадбир давомида бир гуруҳ соҳа ходимлари шаҳар ҳокимлигининг совғалари билан тақдирланди.

Дарҳақиқат, шифокор деганда, ҳар биримизнинг кўз ўнгимизда қалб меҳри ва касб масъулияти билан дардларга дармон бўлаётган, соғлом авлод дунёга келишига ҳиссасини қўшиб, фидойилик намуналарини кўрсатаётган саломатлигимиз посбонлари намоён бўлади.

Тан олиб эътироф этиш керакки, соҳанинг шундай забардаст фидойилари сабаб тиббиёт соҳаси ходимлари барча жамият ва барча даврда ҳам ўта юксак даражадаги шарафга муносиб эканлигини бугун яна бир бора ўз исботини топмоқда.