“Маданият карвони” Термиз шаҳрида Ижодкорлар ишлаб чиқариш корхоналаридаги ишчилар билан учрашди

“Маданият карвони” Термиз шаҳрида
Ижодкорлар ишлаб чиқариш корхоналаридаги ишчилар билан учрашди

Республикадан ташриф буюрган бир гуруҳ олим ва шоирлар, қўшиқчи санъаткорлар, театр ва кино арбоблари иштирокидаги “Маданият карвони”нинг маданий-маърифий тадбири ва концерт дастури Термиз шаҳридаги жундан ва ипакдан гилам тўқиш, тайёр кийим-кечак ва трикотаж махсулотлари ҳамда поябзал ишлаб чиқариш комплексида бўлиб ўтди.

Концерт дастурида элимиз ардоғидаги санъаткорларнинг шўх куй-қўшиқлари корхона ишчиларини ўйин-кулгуларга чорлади. Кино ва театр актёрлари ҳамда шоирлар билан бўлган учрашув эса иштирокчилар кўтаринки кайфият ва аъло таассуротлар бағишлади.