Термизда мудофаа вазири кубогининг маҳалла босқичи бўлиб ўтди

Термизда мудофаа вазири кубогининг маҳалла босқичи бўлиб ўтди

Термиз шаҳрининг “Алпомиш” стадионида “Янги Ўзбекистон ёшлари, бирлашайлик!” шиори остида спортнинг миллий кураш ва тош кўтариш тури бўйича 18 ёшдан 30 ёшгача бўлган ёшлар ўртасида Мудофаа вазири кубогининг маҳалла босқичи бўлиб ўтди.

Мусобақа Термиз гарнизони ҳарбий хизматчиларининг кўргазмали чиқишлари билан бошланди. Шундан сўнг, нуроний отахонлар қадриятлармизга хос тарзда кураш усулларини намойиш этган ҳолда беллашувни бошлаб бердилар.

Термиз шаҳрининг 37 маҳалласи ёшларини саралаган ушбу мусобақа ғолиблари муносиб равишда тақдирланди. Уларга диплом, медал ҳамда эсталик совғаларни Жанубий оператив қўмондонлиги бошлиғи полковник Пўлатжон Сативалдиев топширди.

Мудофаа вазири кубоги учун миллий кураш ва тош кўтариш спорт ўйинлари вилоятнинг бошқа туманларида ҳам давом этмоқда.