Тўра Боболов мактаб битирувчилари билан учрашди

Тўра Боболов мактаб битирувчилари билан учрашди

25 май. Мактабларда “Сўнгги қўнғироқ” жаранглади. Улкан орзу-мақсадлар билан таълим-тарбия қучоғида жам бўлган ўқувчилар бугун ҳаётнинг катта остонасига қадам қўйишмоқда.

Бугун вилоятимизнинг 929 та умумтаълим мактабларида сўнгги қўнғироқ садолари янграмоқда. Жорий йилда мазкур илм даргоҳларининг 11-синфини 32 минг 215 нафар ўқувчи тамомлаяпти.

Сурхондарё вилояти ҳокими Тўра Боболов Термиз шаҳридаги 1-мактабдаги тадбирда иштирок этиб, Президентимизнинг мамлакатимиз мактаблари битирувчиларига йўллаган байрам табригини ўқиб эшиттирди, 2021-2022 ўқув йилини муваффақиятли якунлаётганликлари билан табриклади. Битирувчиларни давлатимиз томонидан яратилаётган имкониятларни қадрлаб, улардан янада самарали фойдаланишга чақирди. Уларга оқ йўл тилади.

Маълумот ўрнида, бу йил масканни 190 нафар ўғил-қиз тамомлади.

Битирувчи ёшларни катта ҳаётга кузатиш тадбирлари барча шаҳар ва туманларда мутасадди раҳбарлар иштирокида катта тантана билан нишонланмоқда.