Шаҳар ҳокими «Тупроққўрғон» маҳалласи ёшлари билан учрашди

Шаҳар ҳокими «Тупроққўрғон» маҳалласи ёшлари билан учрашди

Навбатдаги "Ҳоким ва ёшлар" учрашуви 23-сонли мактабгача таълим ташкилотида «Тупроққўрғон» маҳалласи ёшлари учун ўтказилди. Унда алоқадор ташкилот раҳбарлари, маҳалла раиси, хотин-қизлар фаоли, ёшлар етакчиси шунингдек, қизил тоифадаги ёшлар ҳам иштирок этишди. Учрашувда шаҳар ҳокими Ўктам Тўраев ёшларни қийнаб келаётган муаммолар, таклиф ва ташаббусларини тинглади.

Хусусан, ёшларнинг ишга жойлашиш, имтиёз асосида даволаниш, контракт тўлови, тадбиркорлик учун жой ажратиш, ўзини-ўзи банд қилиш учун субсидия асосида тикув машина олиш ва ногиронлик аравачаси сўраб қилган мурожаатлари тегишли тартибда ҳал этилиши белгиланди. Айрим мурожаатларга тез кунда амалий ёрдам кўрсатиладиган бўлди.

Бажарилиши муддат талаб қилинадиган мурожаатлар юзасидан масъул раҳбарларга тегишли кўрсатма ва топшириқлар берилиб, ижроси назоратга олинди.