РАСМИЙ МУНОСАБАТ

РАСМИЙ МУНОСАБАТ

Термиз шаҳридаги 5-сон оилавий поликлиникаси шифокорлари

томонидан меҳнатга лаёқатсизлик варақаси ноқонуний

берилаётгани ҳақидаги мурожаатга муносабат

Фуқаро Бозорова Ситоранинг 2022 йил март ойида соғлиқни сақлаш бошқармасига телефон орқали Термиз шаҳар тиббиёт бирлашмасига қарашли 5-сон оилавий поликлиника шифокорлари томонидан фуқароларга меҳнатга лаёқатсизлик варақасини ноқонуний бераётганлигига эътироз билдириб қилган мурожаати юзасидан Сурхондарё вилояти соғлиқни сақлаш бошқармасининг 2022 йил 29 мартдаги 266-С-сонли буйруғига асосан малакали мутахассислардан иборат гуруҳ тузилиб, ўрганиш ўтказилган.

Ўрганиш натижаларига кўра чиндан ҳам баъзи ҳолларда 5-сон оилавий поликлиника врачлари томонидан меҳнатга лаёқатсизлик варақаси Соғлиқни сақлаш вазирлигининг 2015 йил 20 мартдаги меҳнатга лаёқатсиз варақаларини бериш тартиби тўғрисидаги йўриқномани тасдиқлаш ҳақидаги 25-сон буйруқ талаблари асосида ўрганилганда бир қатор хато камчиликлар аниқланган.

Ушбу ҳолат юзасидан Термиз шаҳар 5-сон оилавий поликлиника тиббиёт ходимларининг меҳнатга лаёқатсизлик варақаларини расмийлаштиришда йўл қўйган хато-камчиликларга ҳуқуқий баҳо бериш учун тўпланган ҳужжатлар вилоят соғлиқни сақлаш бошқармасининг 2022 йил 5 апрелдаги 02-Б-1-сонли хати билан вилоят прокуратурасига юборилган.

Ҳозирги кунда прокуратура томонидан мазкур муассасада ўрганиш ишлари давом этмоқда. Ўрганиш якунлари бўйича қўшимча маълумот такдим этилади.

Сурхондарё вилоят соғлиқни

сақлаш бошқармаси