Халқ депутатлари Термиз шаҳар Кенгашининг ХХIV сессияси бўлиб ўтди

Халқ депутатлари Термиз шаҳар Кенгашининг ХХIV сессияси бўлиб ўтди

Сессияда Ўзбекистон Республикаси Олий Мажлиси Сенатининг Фан, таълим ва соғлиқни сақлаш масалалари қўмитаси раиси О.К.Иминов, Халқ депутатлари вилоят Кенгашига Термиз шаҳридан сайланган депутатлари, Халқ депутатлари шаҳар Кенгаши депутатлари, сектор раҳбарлари, шаҳар ҳокимининг ўринбосарлари, ташкилот-корхона раҳбарлари ва ОАВ вакиллари иштирок этишди.

Сессия кун тартибидаги биринчи масала юзасидан шаҳар ҳокимининг ўринбосари К.Ашуровнинг Ўзбекистон Республикаси Президенти Ш.М.Мирзиёевнинг 2020 йил 29 декабрдаги Ўзбекистон Республикаси Олий Мажлисига Мурожаатномасида қайд этилган топшириқларни амалга ошириш, ҳудудларни ижтимоий-иқтисодий ривожлантириш бўйича энг устувор вазифаларни белгилаш, улар ижросини таъминлаш тўғрисида маърузасини тинглаб, билдирилган фикр-мулоҳазалардан келиб чиқиб, халқ депутатлари Термиз шаҳар Кенгаши қарори қабул қилинди.

Шундан сўнг, Ўзбекистон Республикаси Олий Мажлиси Сенатининг Фан, таълим ва соғлиқни сақлаш масалалари қўмитаси раиси Иминов Одилжон Каримович томонидан Ўзбекистон Республикаси Президенти Ш.М.Мирзиёевнинг 2020 йил 29 декабрдаги Ўзбекистон Республикаси Олий Мажлисига Мурожаатномасининг мазмун моҳияти тўғрисида фикр мулоҳазалари тингланиб, депутатларга ўзлари сайланган сайлов округларида, корхона ва ташкилотларда кенг муҳокама қилиш борасида тавсиялар бериб ўтди.